الرئيسية > آش واقع > واش عندنا هاد الفلوس كلها؟. المغرب شرا درونات كاميكاز إسرائيلية ب 22 مليون دولار
30/11/2021 10:30 آش واقع

واش عندنا هاد الفلوس كلها؟. المغرب شرا درونات كاميكاز إسرائيلية ب 22 مليون دولار

واش عندنا هاد الفلوس كلها؟. المغرب شرا درونات كاميكاز إسرائيلية ب 22 مليون دولار

كود – عن “هاآرتس”//

موقع “هاآرتس” الإسرائيلي، كشف اليوم الثلاثاء، ان إسرائيل باعت للمغرب طائرات مسيرة انتحارية ساوية 22 مليون دولار، شداتها الصناعات الجوية الإسرائيلية، وهادشي ف اطار انضمامو لاتفاقات أبراهام.

كتقول التقارير ان إسرائيل باعت لينا درونات كاميكاز من نوع “هاروب” ، اللي ديجا باعته لأذربيجان، العام اللي فات، ف النزاع بينها وبين أرمينيا.

وحسب “هاآرتس”، هاد النوع من الدرونات، اللي كيتستعمل ف إسرائيل والهند وأذربيجان، يمكن يهز حتى لـ20 كيلو من المتفجرات، وقادر يطير 7 ساعات، ويوصل لمسافة 1000 كيلومتر.

وبينات التقارير المالية، اللي خرجات السيمانة اللي فاتت ان الصناعات الجوية الإسرائيلية باعت ف الربع الثاني من هاد العام للمغرب، درونات بـ 12 مليون دولار، و10 مليون دولار اخرى ف الربع الثالث من هاد العام.

وقالت مصادر للموقع الإسرائيلي ان هادي اتفاقيات جديدة مع المغرب.

للتذكير، السيمانة الفايتة ، وزير الامن الاسرائيلي بيني گانتس دار زيارة رسمية لبلادنا. مشى ترحم على الحسن الثاني ومحمد الخامس، وعقد اجتماع مغلق ف الرباط، مع نظيرو المغربي، عبد اللطيف لوديي ووقعو مذكرة تفاهم أمنية، ومن بعد تلاقى بقائد الاركان المسلحة المغربية بلخير الفاروق، وبوزير الخارجية ناصر بوريطة وكبار المسؤولين الامنيين ف المغرب.

https://www.haaretz.com/israel-news/.premium-israel-aerospace-industries-got-22m-from-morocco-reportedly-for-kamikaze-drones-1.10426146

موضوعات أخرى

18/01/2022 09:30

تقرير رسمي: الاستهلاك ديال العائلات المغربية غايطلع بـ2.8 فالمية والقدرة الشرائية غادي تزيد فـ2022 والكريديات غادي تكثر

18/01/2022 09:00

وزير السدان.. ضد اللجنة العلمية لي بغات فتح الحدود وداير حملة فالإعلام الدولي باش يقول أنا بوحدي مضوي البلاد