الرئيسية > جورنالات بلادي > واش عملية ارهابية جديدة؟. هجوم بالسلاح الابيض حدا مقر “شارلي ايبدو” لقديم. الجريدة خرجات رسوم كاريتورية ساخرة من الاسلام ودواعش هددوها
25/09/2020 11:00 جورنالات بلادي

واش عملية ارهابية جديدة؟. هجوم بالسلاح الابيض حدا مقر “شارلي ايبدو” لقديم. الجريدة خرجات رسوم كاريتورية ساخرة من الاسلام ودواعش هددوها

واش عملية ارهابية جديدة؟. هجوم بالسلاح الابيض حدا مقر “شارلي ايبدو” لقديم. الجريدة خرجات رسوم كاريتورية ساخرة من الاسلام ودواعش هددوها

كود كازا ///

واش عملية ارهابية ضربات المقاطعة 11 بباريس وبالضبط حدا المقر لقديم للجريدة الساخرة “شارلي ايبدو”؟ فقد اعلنت السلطات الفرنسية قبل قليل عن هجوم شخصين بالسلاح الابيض على عدد من المواطنين.

وفق الوزير الاول الفرنسي جون كاسطيكس فتدخل ليه قبل قليل ان هاد الهجوم وقع قدام مقر “شارلي ايبدو” لقديم بالضبط وباللي يتم الان البحث عن جوج المتهمين وباللي تم اصابة 4 الاشخاص حالة جوج فيهم خطيرة.

هاد الشي خلى السلطات تسد ليكريش والمدارس وحتى الاقامات ديال الناس لكبار فهاد المقاطعة. كلشي مخلوع

الوزير الاول قال باللي لغى كاع مواعيدو وانتقل لخلية ازمة كاينة فوزارة الداخلية دارت بهاد المناسبة. فهاد الخلية كيكون تمركز لكاع المعطيات وكتكون فيه كاع القطاعات.

لحد الان مازال هاد المتهمين بجوج فباريس وكاع القوات الفرنسية خاصة المكلفة بالارهاب “بي ار اي” كيتقلب على هادو.

وكانت شارلي ايبدو اللي تعرضات لهجوم وماتو فيها عدد من الصحافيين يوم سابع يناير 2015 قد اعادت نشر رسومات ساخرة عن الاسلام وتاريخو رسومات خلات داعش تهددها.

موضوعات أخرى