كود سبور//

ما بقى حتى فريق قابل على الدولي المصري عمر وردة، اللاعب اللي تفارقو معه الرجاء الرياضي الصيف اللي فات بسبب سوء الانضباط ديالو.

وحسب وسائل إعلام مصرية، فاللاعب عمر ورة اللي تفارقو معه الرجاء الرياضي ومشى بعدها لقبرص باش يسني مع شي فريق قبرصي وهذا الأخير حتى هو جرا عليه، غيجريو عليه حتى فريق فاركو المصري، حيث ما بقاش باغي يجي يتدرب وكيمنك التداريب، وبنفس الطريقة اللي دارو معه الرجاء قرر الفريق المصري حتى يفسخ معه العقد مقابل انه يرجع له الفلوس باش سنا معه.

وصبح عمر وردة مثار للسخرية فمصر بسبب التصرفات ديالو، وقلة العقل اللي خلاه يصيع فرص حقيقة فحياتو وهذا الشي من غير النزوات اللي عندو والتحرش بالبنات.