كود كازا //

قالت الخارجية المغربية ان ناصر بوريطة وزير الخارجية والتعاون هدر اليوم الثلاث 22 مارس 2022 فالتلفون مع وزير خارجية روسيا الاتحادية سيرگاي لابروڤ.

ما قالو والو علاش هدرو.

دابا كاين الغزو الروسي لاوكرانيا اللي المغرب خدا مسافة فيه وبان هاد الشي فمجلس الامن باش غاب عن التصويت كاع. طبعا وكاينة قضية الصحرا والتعاون المغربي الروسي فالفلاحة والصيد البحري.

روسيا ديما عندها موقف غريب من قضية الصحرا بحكم ان اكبر شريك ليها فشمال افريقيا هي الجزائر لكن عندها كذلك مصالح مع المغرب.

دابا بعد اعتراف امريكا بمغربية الصحرا وموقف المانيا واسبانيا الداعم للحكم الذاتي فاطار السيادة المغربية٬ كتخاف الرباط ان الحرب فاروكرانيا اللي كيدعمها الغرب كولو ومعاه امريكا٬ يقدر يؤثر علي الموقف من الصحرا.

طبعا الاهم عندنا هو مصالحنا. مصالحنا دابا مع اللي يقدر يدعمنا فالصحرا. القضية ماشي ساهلة. تلفون بحال هادا يقدر يقلق دول داعمانا.