الرئيسية > كود-تيفي > واش عاوناتو وهربات معاه ولا اختاطفها؟.. كَارديانة ديال حبس ومحابسي متهم فجريمة قتل غبر ليهم الأثر – فيديو
05/05/2022 02:00 كود-تيفي

واش عاوناتو وهربات معاه ولا اختاطفها؟.. كَارديانة ديال حبس ومحابسي متهم فجريمة قتل غبر ليهم الأثر – فيديو

واش عاوناتو وهربات معاه ولا اختاطفها؟.. كَارديانة ديال حبس ومحابسي متهم فجريمة قتل غبر ليهم الأثر – فيديو

وكالات //

تم إصدار مذكرة توقيف فحق كَارديانة ديال حبس في ولاية ألاباما الميريكانية غبرات هي واحد من المحابسية نهار الجمعة اللي فات، وهو النهار اللي كان من المقرر أنها تاخد فيه لاروتريت.

مدير الحبس، ريك سينكَلتون، قال فمؤتمر صحفي أن الكَارديانة فيكي وايت (56 عام)، مطلوبة بتهمة “السماح أو تسهيل هروب متهم فجريمة قتل من حبس فمقاطعة لودرديل”.

وقال سينكَلتون “حنا عارفين بللي شاركت فعملية هروب المجرم، كاسي كول وايت (38 عام)، سوا دارت هادشي بخاطرها أو بزز منها وتعرضت للإكراه أو التهديد منو، لكن حنا كنعرفو بالتأكيد أنها شاركات فهاد الهروب”.

وكاينة اخبار كتروج بللي المجرم لعب على مشاعر فيكي وايت وتصاحب معاها واستاغلها بهدف أنها تعاونو من بعد على السليت من الحبس.

زملاء الكَارديانة دالحبس استغربو من التصرف اللي دارتو صاحبتهم لأنها كانت على باب لاروتريت، وماخاصها خير.

موضوعات أخرى