كود سبور//

دفع الدولي المغربي ياسين بونو كبير على حفل تسليم جوائز فرونس فوتبول اللي كان البارح ففرنسا، وقرر ما يحضرش له.

وقال ياسين بونو فتصريح له بعدما سالا الماتش للهلال مع الحزم فكاس السعودية، على سبب الغياب ديالو على الحفل بلي تمثيل الهلال والجمهور ديالو أهم من شي حاجة اخرى.

وكيشوفو بزاف ديال المتتبعين فالعالم أن ياسين بونو تظلم مرة اخرى وتحرم من جائزة “ياشين” ديال أحسن لاعب فالعالم لعام 2023، واللي عطاوها الأرجنتيني إميليانو مارتينيز.

والغريب ان ياسين بونو اللي جا ثالث احسن كول فالعام احتل المركز 13 فجائزة أحسن لاعب فالعالم البالون دور، وتفوق على اللي ربحها عام 2022، الفرنسي كريم بنزيما، والكول الأرجنتيني مارتينيز جا فالمركز 15.