كود سبور//

توعت المغربي الأصل الإسباني الجنسية لامين يامال نجم برشلونة الإسباني، حسب ما أعلن عليه الفريق اليوم الاثنين.

وكشفو البارصا غير دابا فبلاغ لهم، أن الموهبة ديالو المغربية الأصل لامين يامال توعت حسب ما بينت الفحوصات الطبية والإصابة عندو فالرجل، بدون ما يقول شحال المدة اللي غيغيب فيها.

البارصا أكدو أن لامين يامال غيمشي لمعسكر منتخب إسبانيا، وراه كاين تنسيق ما بين الطاقم الطبي ديال الفريق والطاقم الطبي ديال منتخب إسبانيا حول الحالة الصحية ديال اللاعب.

ولعب لامبين يامال مول 16 عام، البارح مع البارصا ضد غرناطة فبطولة اسبانيا، وماركا هدف فالماتش اللي سالا تعادل 2 لجوج بين الفريقين، وصبح أصغر لاعب فتاريخ البارصا كيماركي فلاليكا.

وكان مدرب البارصا تشافي هيرنانديز حذر فأكثر من مناسبة،  من الضغط على لامين يامال بكثرة الماتشات سوا مع الفريق او مع المنتخب الإسباني الأول، وأكد أن اللاعب مازال صغير وفمرحلة النمو ويقدر ما يتحملش قوة الماتشات.