كود طنجة ///
كشفت يومية “الاخبار” ان الفرقة الوطنية للشرطة القضائية بدات تحقق مع طاشرونات بسباب تبيضهم للفلوس فالعقار. هاد الشي واقع فطنجة. فهاد الملف كاين شي وحدين تواطئين. طبعا ديما كانو شي بارونات كيتخباو فالاحزاب السياسية.
لكن واش التحقيقات غادية تمشي بعيد وتستامع لمسؤول حزبي كاين فالاغلبية اللي حاكمة فطنجة حقاش هاد المسؤول استغل منصبو فمؤسسة ديال الدولة واخبر صحابو منهم شي بزنازة كبار. المؤسسة ديالو نقلاتو لمدينة اخرى وصافي وفق مصادر “كود”.
دابا خاصو يدخل مع هاد الطاشرونات. تبييض الاموال ديما كان ولكن هادوك للي فالادارات العمومية وكيعانوهم خاصهم يتحاكمو
الداخلية بدورها ناضت لشي وحدين دياولها من رجال السلطة اللي كيتساهلو مع خرق القانون. كان اجتماع بولاية طنجة برئاسة الوالي وحضور العمدة وهاد رجال السلطة. كان تحذير لكل واحد ما كيحتارمش القانون.
