وكالات//

دار واحد الدب فالحديقة ديال شي مدينة ف التايوان البوز على السوشيال ميديا فالعالم كامل، بعدما قالو الناس أنه ماشي دب حقيقي وهو غير بنادم لابس الجلد ديال الدب.

وبارطاجاو بزاف ديال الناس واحد الفيديو كيبين هاد الدب كيوقف على رجليه بجوج وكيتفاعل مع الزوار وكيدير شي حركات قريبة لديال الإنسان، وهو شي لي زاد ف الشكوك.

https://www.youtube.com/watch?v=zugjurPuZeg

الحديقة التايوانية ماسكتاتش وردات على هاد الهضرة كاملة، وقالت بللي هذاك دب حقيقي وهو معروف أنه قادر يوقف على رجليه وكيتفاعل مع البشر.

ونفات الحديقة تكون خدمات شي واحد من الخدامة ديالها باش يلعب دور الدب، وقالت أنه ميمكنش أصلا لشي واحد يصبر يلبس حوايج دب ودرجة الحرارة ف البلاد واصلة لـ40 درجة.