كود كازا ///
قال ناشط سياسي ببنسليمان ل”كود” بللي جواد اليوسفي المشهور بمول البارود واللي ولى طاشرون كبير تماك٬ باللي تواضع بعد رفض كبير وجا لمقر الفرقة الوطنية قبل اسابيع باش تسمع ليه فقضية كيتابع فيها رئيس مجلس جماعة بنسليمان بتهمة “اقتراف جريمة الغدر وتبديد اموال عمومية”. هاد الشي كان موضوع شكاية وضعت لدى الوكيل العام لمحكمة الاستئناف بالدار البيضاء.
مصدر اخر استعبد فتصريح ل”كود” هاد الشي وقال باللي مول البارود مازال كيرفض يستاجب للاستدعاءات اللي كتوصلو باش يسمعو ليه
وقدمت هاد الشكاية، التي اطلعت عليها “كود”، من منتخب في المجلس الجماعي، وحطها نيابة عنه محاميه بهيئة كازا.
وجا فيها أن “العارض وقف على العديد من الاختلالات الخطيرة بعد اطلاعه على تقرير دجنبر 2022، الصادر عن المجلس الجهوي للحسابات بمناسبة إنجاز الأخير لمهمة مراقبة رئيس جماعة بنسليمان تقسيما لعمل الجماعة عن الفترة ما بين 2017 – 2022، خصوصا في مجال التعمير”.
وأكد فالشكاية أن “التقرير وقف على مجموعة من الاختلالات ترقى إلى جنح وجنايات، وكيتعلق الأمر بـ “اقتراف جريمة الغدر عن طريق إعفاء غير مبرر لبعض الأراضي من الرسم على الأرض الحضرية غير المبنية، وعدم استخلاص كل الرسوم على عمليات التجزئة العقارية طبقا للمادة 63 من القانون 47-06”.
كما وقف أيضا على “تبديد أمول عمومية عن طريق البناء في منطقة محضورة، ودون إنجاز الدراسات القبلية اللازمة والحصول على الرخص القبلية للبناء”.
والتمس العارض من الوكيل العام إصدار تعليماته إلى الضابطة القضائية المختصة لإجراء بحث في الوقائع موضوع الشكاية، ومتابعة المشتكى به من أجل جنايتي “الغدر وتبديد أموال عمومية”.
فهاد الارض الحضرية غير المبنية دارت اقامة “نجمة ابن سليمان” و”شمس المدينة”٬ وحدة منهم ديال جواد اليوسفي مول البارود.
كان احتيال كبير بين رئيس الجماعة باش يستافد هاد لملايري اللي كيصنع الخارطة السياسية فبنسليمان مع مول الزبل عزيز البدراوي اللي مشدود دابا.
علاش غير استدعاء مول البارود وحضورو ايلى تأكد٬ راه انجاز قضائي كبير. حقاش هادا كيقول للقاصي والداني باللي محمي من الفوق وما يقدر يقرب ليه حد.
دابا واش هادي غير بدية وغادي يتعرى ولا غير تقوليبة وما غادي يوقع ليه والو.
القضية المثيرة غير بنسليمان هي كولف هاد لمدينة ومحطة معالجة المياه العادمة اللي دارتها الداخلية وبتمويل اجنبي =دعم= باش ولات دابا ديالو
