كود سبور//

خالقة الحياة الشخصية ديال الدولي المغربي أشرف حكيمي البوز مرة اخرى، وهذه المرة كاين كلام على انه دخل فعلاقة جديدة بعد مرور تقريبا 9 أشهر باش طلق من مراتو الممثلة الإسبانية من اصل تونسي هبة أبوك، وكيف العادة ديال حكيمي ضروري خاص يرتبط الاسم ديلو بشي علاقة تكون فيها الشريكة ماشي شخصية عادية.

وتداولت حسابات أجنبية بمواقع التواصل، معلومات عن دخول المغربي تشافي حكيم نجم باريس سان جيرمان الفرنسي فعلاقة مع الصديقة السابقة ديال البرازيلي ميليتاو لاعب ريال مدريد الإسباني واللي والدة معه طفلة، وهي مؤثرة برازيلية الاسم ديالها كارولين ليما.

وحسب هذه المعلومات واللي تداولتها حتى مواقع إعلامية إسبانية بحال eldesmarque، فالمغربي اشرف حكيمي ولد ريال مدريد والنجم الحالي ديال باريس سان جيرمان كيتلقا مع المؤثرة البرازيلية كارولين ليما بشكل منتظم فاسبانيا، حيث هي كتبقى تمشي وتجي بين اسبانيا والبرازيل باش بنتها تشوف باباها.

وكتقول هذه المعلومات ايضا ان اشرف حكيمي كيمشي ديما لإسبانيا، وكان هو البرازيلية فشي بواط دو نوي معروف فمدريد، ولكن ما عرفوش واش كانو غير بجوج ولا كان معهم شي حد آخر، فالوقت اللي ما متبعينش بعضياتهم فأنستكرام واكن كيديرو قليبات لبعضهم ملي كيبوسطيو شي حاجة.