الرئيسية > كود سبور > واش حتى واحد ماغايتقيد فمدرسة الرجاء.. غلا مصاريف التسجيل اللي دارها البدراوي كعا الوالدين
15/09/2022 17:00 كود سبور

واش حتى واحد ماغايتقيد فمدرسة الرجاء.. غلا مصاريف التسجيل اللي دارها البدراوي كعا الوالدين

واش حتى واحد ماغايتقيد فمدرسة الرجاء.. غلا مصاريف التسجيل اللي دارها البدراوي كعا الوالدين

كود سبور//

من المنتظر يكون عزوف على مدرسة الرجاء الرياضي فالموسم الرياضي الجديد، وذلك بسبب مصاريف التسجيل اللي حددها النادي برئاسة عزيز البدراوي.

الرجاء الرياضي أعلن عن افتتاح التسجيل بالنسبة لممارسة كرة القدم هواية، ابتداء من يوم الإثنين المقبل، وذلك للأطفال الذين يتراوح عمرهم بين 13 و 18 سنة، وحدد رسوم التسجيل فمبلغ 6000 درهم.

وتفاعل الراغبين فتسجيل الأبناء ديالهم فمدرسة الرجاء الرياضي باستغراب وبغضب على مواقع التواصل الاجتماعي، بسبب مبلغ رسوم التسجيل وتساءلوا هل تحول نادي الرجاء فمرحلة عزيز البدراوي من فريق الشعب إلى ناد للطبقة البرجوازية، خصوصا وأن هذا الإجراء جاء بعد ارتفاع أسعار تذاكر المباريات و اللي حتى هي غاضبين بسببها الرجاويين.

الكثير من عشاق الرجاء الرياضي غيضطرو يسجلو الأبناء ديالهم فمدارس ديال أندية أخرى بعيدا عن نادي القلب، بسبب غلاء تكلفة التسجيل فمدرسة الفريق الأخضر وهو الأمر اللي من المنتظر يشكل عزوف عن المدرسة الرجاوية هذا الموسم، وممكن يكون غير مسبوق بحكم أن الثمن اللي حددو المكتب المديري الحالي برئاسة عزيز البدراوي، هو دوبل المبلغ اللي كان فالمواسم الماضية فعهد المكاتب السابقة.

موضوعات أخرى

01/10/2022 14:00

من بعد الروينة ديال البارح.. ناس البولفار: كنعتاذرو من كلشي والحب ديال الموسيقى والايمان ديالنا بالشباب ماكاينش لي غادي يزعزعو