كود كازا ///

كازا صباح كل اثنين كتكون عامرة. عامرة بزاف خصوصا فشوارع بحال محمد السادس والزرقطوني وانفا.

“كود” فجولة قصيرة هاد الصباح وبالضبط مع السبعة ونص بانت الدنيا خاوية. كازاوا بحال عدد من مدن المغرب شافو الفينال البارح بين منتخبها اقل من 20 سنة فماتش تاريخي ضد الأرجنتين فالعاصمة الشيلية سانتياغو واللي ربحوه بجوج لزيرو. ما نعسر حتى الجوج الصباح وبعدها خرجو عبرو على فرحتهم.

هاد الشي اللي خلى شارع الزرقطوني، كيف عاينات “كود”، خاوي. تگول غير نهار سبت او حد ماشي بدية السيمانا الاثنين

حتى لقهاوي كتصفر. فوحدة مشهورة فشارع بنقدور، كنتي خاصك تسنى بعض المرات باش تبرك. اليوم عدد قليل بزاف ديال لكليان

باينة هاد الرباح ديال جيل زد فالكورة عطى عطلة لعدد من لمغاربة. يمكن ماشي نهار كامل. يمكن الصباح قليل اللي غاذي يمشي يخدم