الرئيسية > آش واقع > واش تهنئة محمد السادس لوهبي غادية تسد احتجاجات خصومو فالحزب
11/02/2020 06:00 آش واقع

واش تهنئة محمد السادس لوهبي غادية تسد احتجاجات خصومو فالحزب

واش تهنئة محمد السادس لوهبي غادية تسد احتجاجات خصومو فالحزب

الرباط و م ع/

عبد اللطيف وهبي خدا الامانة العامة لحزب الاصالة والمعاصرة وسط مؤتمر شاعل. كان فيه لمضاربة ولعصا والسابوطاج والسياسة. سالى بترشح وحيد ووصلات الامانة العامة لتيار المستقبل اللي كان حيح على حكيم بنشماس الامين العام السابق للحزب.

وهبي خرج الحزب من عند ريافة البام اللي هيمنو عليه مع الياس العماري واستمر هاد الشي مع بنشماس. بيد الله وشي وحدين خراين كانو مرشحين وانساحبو وشي مرشحين التحقو بوهبي. دابا هادو كلهم واش عندهم الشحاعة يديرو طعن فهاد الانتخاب بعد ما هنأ الملك محمد السادس وهبي.

الملك قال فرسالتو “على إثر انتخابك أمينا عاما لحزب الأصالة والمعاصرة، نتقدم إليك بتهانئنا، مشفوعة بمتمنياتنا بكامل التوفيق في مهامك الحزبية الجديدة”.

واضاف رئيس الدولة “إن انتخابك على رأس الأمانة العامة لحزب الأصالة والمعاصرة، ليعبر عن الثقة التي وضعها فيك أعضاؤه، بفضل ما أبنت عنه من التزام في خدمة مبادئ الحزب، وما هو مشهود لك به من كفاءة وتجربة، وما هو معهود فيك من تشبث مكين بمقدسات الأمة وثوابتها، وكلها مقومات تجعلك أهلا لبذل كافة الجهود من أجل تعزيز الحضور، المسؤول والوازن، لهيأتك السياسية في المشهد الحزبي، مع توطيد إسهامها، على غرار الأحزاب الوطنية الجادة، والقوى الحية للأمة، وذلك للانخراط الفاعل في رفع تحديات المرحلة الجديدة التي نقود المغرب لدخولها، بكل حزم وعزم، والقائمة على أسس المسؤولية والإقلاع الشامل، في حرص دائم على جعل المصالح العليا للوطن والمواطنين تسمو فوق كل اعتبار”.

اييه عبارات كتعاود تقريبا ديما فرسائل تهنئة مماثلة ولكن الحزب اللي معروف شكون اسسو وكيفاش تاسس رسالة بحال هادي عندها معنى اخر.

اللي عندو الشجاعة دابا من ناس البام اللي عارضو وهبي وبعد هاد الرسالة من محمد السادس٬ يتقدمو دابا نعرفوهو

موضوعات أخرى

09/04/2020 19:57

حصيلة كورونا فالعالم هذ النهار: ميريكان تجاوزات 22 ألف إصابة اليوم وسبقات سبانيا فالوفيات وفرانسا باطات الركور وسجلات 1341 وفاة ف24 ساعة والإصابات فبريطانيا وتركيا كيرتفع