الرئيسية > آش واقع > واش تخلى المغرب رسميا على “لاسامير” وشكون هاد العلوي اللي وقع مع الروس بناء مصفاة لتكرير وتخرين المنتجات البترولية
23/10/2019 19:40 آش واقع

واش تخلى المغرب رسميا على “لاسامير” وشكون هاد العلوي اللي وقع مع الروس بناء مصفاة لتكرير وتخرين المنتجات البترولية

واش تخلى المغرب رسميا على “لاسامير” وشكون هاد العلوي اللي وقع مع الروس بناء مصفاة لتكرير وتخرين المنتجات البترولية

كود احمد الطيب ////

واش رسميا المغرب دار بناقص من “لاسامير”. هاد الشي اللي بان من خلال واحد الاتفاق غريب توقع فسوشي الروسية فهاداك الشي ديال منتدى روسيا افريقيا الاقتصادي.
هاد الاتفاق فيه بناء مركب للبتروكيماويات بالمغرب بقيمة تصل إلى نحو ملياري أورو” وفق ما نشرت وكالة المغرب العربي للانباء.

الطرف المغربي سميتو يوسف العلوي وزادوه هاديك مولاي وعندو شركة اسمها “ميا إينيرجي”. هو اللي وقع مع ورئيس بنك التنمية الروسي دانييل ألغوليان ونائب رئيس المركز الروسي للتصدير نيكيتا غوساكوف. هاد الاتفاق فيه “بناء مصفاة باستخدام الخبرة وآخر التكنولوجيات الروسية في مجال تكرير وتخزين المنتجات البترولية.

بيان الشركة قال باللي “المصفاة، التي ستنجز في إطار هذا المشروع، ستتوفر في المرحلة الأولى على طاقة للتكرير تصل إلى 100 ألف برميل في اليوم، قبل أن تصل في مرحلة ثانية إلى طاقة تقدر ب200 ألف برميل في اليوم”

هاد يوسف العلوي عندو علاقة بهاديك الفضيحة ديال تالسينت اللي قالو لينا باللي المغرب دار اكتشافات مهمة فالبترول. دابا خرج فهاد المشروع. ماشي معروف فالدومين بحال شركات توزيع المحروقات ولكن طلع هو الرابح

موضوعات أخرى