وكالات //

واحد الدجاجة كانت كتدور قدام المنطقة الأمنية في مقر الپنتاكَون الميريكاني (مبنى مقر وزارة دفاع الولايات المتحدة في ولاية فرجينيا)، اللي كيتعتابر من أكثر المباني المحصنة فالعالم، خلقات الجدل هاد السيمانة.

الدجاجة اللي تدخلات جمعية محلية للرفق بالحيوان فمنطقة “أرلنكَتون” فولاية فرجينيا (Animal Welfare League of Arlington)، باش ترجعها للقفص ديالها. وهاد الحادثة كتبات عليها جريدة “Military Times”، اللي متخصصة فالشؤون العسكرية، ودارت خبر ساخر.

وجا فالمقال اللي عامر طنز وتريكَيل: “واش الدجاجة توضرات ملي كانت قاطعة الشانطي ولا هي جاسوسة كانت كتجمع المعلومات والأسرار؟ لحدود الساعة مزال مادواتش!”.