كود سبور//

منوض الإعلام الإسباني حيحة بسبب المعلومات اللي كتقول ان نجم ريال مدريد الاسباني، قرب يلبس توني المغرب اللي فضل يلعب معه على إسبانيا.

جريدة “ماركا” الإسبانية خرجت بمقال اليوم الجمعة، كتحمل فيه المسؤولية للمسؤولين على الكورة الإسبانية، وقالت: “اما تتبدل الأمور، أو أن إبراهيم دياز غيلبس توني المغرب عاجلا ماشي أجلا”.

وكملت الجريدة الإسبانية: “هادشي عار، وشي حاجة مخزية حيث إبراهيم دياز لاعب مختلف ما كاينش بحالو فالكورة الإسبانية وكاين منو غير واحد”.

الجريدة الإسبانية، تأسفت على ضياع مواهب من الكورة الإسبانية مؤخرا، و ما عجبتهاش طريقة تعامل مسؤولين الكرة الإسبانية ومدرب المنتخب الإسباني مع دياز، وقالت ان اللاعب شحال وهو كيتسنى يعيطو له لمنتخب إسبانيا، ولكن جاو المغاربة وقنعوه.