هند لكلاوي كود مراكش///

والي أكادير ووالي مراكش كيقتلو السياحة بقرارات غبية. البارح السبت 6 يوليوز 2024 مع لطناش الليل نزل زبون فأوطيل معروف فأكادير يشرب كاس. تفاجأ باللي ممنوع عليه، السبب ’’قرار من الولاية كيمنع الشراب بعد لطناش بسباب فاتح محرم‘‘.

فمراكش كان المشهد اكثر عبثية. “كنت كنشرب مع راسي. وصلات لطناش دالليل وهو يجي عندي الجيرون وقال لي ممنوع نسربيوك” سولت علاش؟ قال لي “فاتح محرم”.

تصورو واحد كان يشرب مع لحداش و59 دقيقة ومع لطناش ممنوع عليه. عبث..

دابا واش والي مراكش ووالي أكادير يستحقو هاد المنصب. اكثر المدن سياحية وعندهم عقلية بهاد التخلف. كتقتل السياحة وكتقتل الرواج. عدد من المحلات فهاد المدن سدو البارح مع لطناش واليوم الاحد 7 يوليوز 2024

خاص ولاة ولاد الوقت. هادوك يمشيو يرتاحو