كود سبور//

نفت تقارير أوروبية صباح اليوم الثلاثاء، وجود اهتمام من طرف باريس سان جيرمان الفرنسي بالدولي المغربي عز الدين اوناحي نجم انجي الفرنسي اللي صبح مطلوب بعدد من الفرق فأوروبا.

وكشف الاعلامي الإيطالي فابريسيو رومانو المتخصص فانتقالات اللاعبين هاد الصباح ، أن باريس سان جيرمان الفرنسي ماغاديش يسني مع عز الدين أوناحي، وأكد أن كل ما كان كيروج حول رغبة PSG فالتعاقد مع أوناحي ما كانت منو حتى حاجة ملموسة، وزاد قال أن الفريق الفرنسي عندو استراتيجية مختلف وغايعطي الثقة أكثر لابناء المدرسة ديالو، وأن عندو لاعب فنفس البوسط اللي كيلعب فيه أوناحي كيوجدو للمستقبل هو الفرنسي زايري إيمري.

وبخصوص عز الدين أوناحي فالتنافس على الخدمات ديالو بدا مع نهائي كأس العالم قطر 2022، وفريق أنجي الفرنسي تلقى استفسارات عن اللاعب من عدد من الفرق الأوروبية فحال البارصا وإشبيلية الاسبانيين ومارسيليا الفرنسي ولكن كيبقى الفريق الأقرب لحسم الصفقة هو نابولي الإيطالي اللي قدم 2 عروض باش يتعاقد مع اللاعب المغربي إضافة لفريق ليدز يونايتد من الننكليز.