اسماء غربي – كود//
نفات جورجينا رودريگيز صاحبت كريستيانو رونالدو، الخبار اللي قال انهم تزوجو ف المغرب هاد الايام، واكدات انها مازال ماتزوجات بنجم فريق مانشيستر يونايتد وأنها حريصة يطلب الزواج منها.
المانكان الأرجنتينية، هضرات عبر فيلم وثائقي غادي يدوز ف «نتفلكس» كيهضر على حياتها مع كريستيانو رونالدو، وحقيقة أنهم متزوجين بالفعل.
وفاش سولوهم واش قريب يتزوجو، دارت جورجينا عند رونالدو وقالت: «الأمر ماكيعتامدش عليا، كنتمنى».
جورجينا استعملات كلمة «Ojala» ف اللغة الإسبانية، واللي كتترجم على أنها «نأمل» أو «خليونا نتمناو».
