كود -وكالات //

راعي كنيسة فنيجيريا كان وسط المصلّين تيخطب حتا بدا  كيطير من فوق الأرض بشوية بشوية، وسط الغنا والصلاة.

الراعي ديال الكنيسة بقا طالع لفوق، والمصلّين كيشوفوه بعينيهم، قبل ما يوصل لفتحة فالسقف ويغبر من قدّامهم.

الكنيسة على مواقع التواصل الاجتماعي، عطات الرواية ديالها على أن الراعي “طلع لسما ” تحت تأثير الروح القدس.

و من بعد ما انتشار الفيديو، بدا التدقيق فالتفاصيل الصغيرة اللي ما كانتش باينة ، وبحسب تقارير إعلامية رافقت انتشار المقطع، كيبان حبل بيض مرتبط بالراعي، مخبي تحت السقف.

وهنا تبدل السؤال من: “واش الراعي طلع فعلاً للسما؟” و: “كيفاش تدار هاد الاستعراض؟”

إعادة انتشار الفيديو دابا رجعات النقاش بقوة، بين اللي شافو فيه تعبير ديني واللي اعتبروه غير قالب  تمثيلي وسط الكنيسة.

السؤال لي بقا مطروح هو واش بصح ترفع الفقيه ديال الكنيسة ولا غير كان معلق فكوردة؟