عمر المزين – كود //

نفى مصدر تربوي من المديرية الإقليمية للتربية الوطنية بمدينة خنيفرة، نفيا قاطعا، الأخبار التي يتم الترويج لها على مواقع التواصل الاجتماعي، بخصوص إقدام المديرية على إحالة أستاذ على المجلس التأديبي ظلما بدعوى أنه كان سكران فدارو.

المصدر اللي هضرات معاه “كَود” قال باللي 99 فالمية من هاد الناس اللي كتروج لهاد الأخبار ماعارفين والو، مضيفا بالقول: “راه يستحيل يكون هادشي صحيح ويستحيل يتم إحالة أستاذ على المجلس التأديبي على السبب اللي راج واللي مايقبلوش عاقل”.

ورفض المصدر نفسه تقديم الأسباب الحقيقة وراء إحالة هاد الأستاذ على المجلس التأديبي، وقال بالحرف: “هاد الأمور فيها السرية وليس من حقنا تسريبها لكن ما يجب تأكيده هو أن هادشي ماعندو حتى شي علاقة بمعاقرة الأستاذ للشراب فدارو كما يتم الترويج لذلك وراه هادشي معروض حتى على مصالح الجدارمية”.