وكالات//
ردات الفنانة اللبنانية هيفاء وهبي على الشائعات لي كاينين عليها، بخصوص زواجها من ملك جمال لبنان السابق، وعبرت على استيائها من نشر أخبار مغلوطة على حياتها الشخصية.
ووضحت هيفاء حقيقة الموضوع عبر رسالة نشرتها فـ”الستوري” على إنستغرام ديالها، وهاجمت فيها مروجي الشائعات وقالت: “غير صورة قديمة جرات بيني وبين ملك جمال لبنان، وولات خبر زواج! ما عارفاش فوقاش غادي يوقفو بعض الناس من الكذب والتلفيق وزيادة لمساتهم الخاصة على الأخبار”.
وعدت النجمة اللبنانية أنها غادي تبقى ساكتة بخصوص الشائعات لي كتدور عليها، احترامًا لنفسها وما بغاتش تعلق على ما وصفاتها بـ”الخزعبلات”.
وزادت قالت: “كنحس بالاشمئزاز من هاد الأساليب الرخيصة، ما كانحترمش أي واحد كيخترع الأكاذيب، أو كيروجها باسمّي”.
كما أكدت هيفاء فـ المنشور ديالها أن حياتها الشخصية ماشي موضوع عام، وزادت وقالت إنها هي الوحيدة لي عندها الحق باش تكشف على تفاصيل حياتها الشخصية بوضوح، وطالبت مروجي الشائعات باش يوقفو التدخل فحياة الناس ويفرضو عليهم قصص مختلقة.
