كود سبور//

ما بقاش غادي يتلعب الماتش الودي بين حسنية أكادير وفريق ديبورتيفو تينيريفي الإسباني، اللي كان مبرمج غدا الخميس 20 غشت 2026 فتيران الانبعاث فأگادير.

حسب حسنية اكادير فتقرر تأجيل الماتش ضد ديبورتيفو تينيريفي بطلب من الفريق الإسباني، واخا الترتيبات ديال الماتش كملات، بدون تحديد اسباب هذا التأجيل ولا موعد آخر للماتش.

وكايطرح هذا القرار من النادي الإسباني بتأجيل الماتش ضد حسنية أكادير تساؤلات حول واش هذا الشي عندو علاقة بأحداث سبتة الأخيرة، حيث حتى البارصا كانو غادي يلعبو فطنجة ضد اتحاد طنجة ماتش ودي وتقرر الغاء الماتش من ورا احداث سبتة.