كود كازا ///

علمت “كود” ان لجنة مختلطة مكلفة بمراقبة المواد الغذائية كتزور فهاد اللحظات جوج شركات سميتهم “برولينا” و”كوبراتيم” فاولاد صالح نواحي كازا وبجوجهم تابعين لامبراطور الفروماج والامين الجهوي لحزب الاصالة والمعاصرة الملياردير عبد الرحيم بن الضو.

هاد المراقبة جات بعد خبار نشراتو البارح 24 فبراير 2025 “شوف تيفي” علي تجاوزات فالتبريد والمراقبة فهاد الوحدات.

دابا الامبراطور ديال لفروماج اللي بدا حياتو بتهريب هاد المادة الغذائية من الشمال قبل ما يولي عندو شركات كثيرة ديالو٬ من الصباح وهو يتاصل بقيادة الحزب باش تحميه.

حسب ما علمته “كود” فان السلطات بدات تحرياتها باش تعرف شكون اللي سرب لهاد لملايري ديال التراكتور٬ لخبار باللي اللجنة المختلطة غادية تجي عندو.

فيلم طويل وتقدر تكون بداية لانهيار هاد الامبراطور