كود سعيد الشاوي ////

علمت “كود” ان لجنة من وزارة الداخلية زارت هاد السيمانا مقاطعة انفا فكازا وعمالة مقاطعة انفا الدار البيضاء والمحافظة العقارية والدائرة الحضرية الثانية انفا والملحقة الادارية الساحل 14 هاد الشي جا بعد مقال “كود” حول تواطؤ “شي جهات” فتطبيق القانون على سيدة ولات “حاكمة عين الدياب”.

هاد السيدة عندها “تشيلو” و”ڤيراندا” فعين الدياب. كانت لا الوكالة الحضرية ولا لجان مختلطة مكلفة بالتعمير وقفات على عدد من الخروقات منها بناء طابق تحت تحت ارضي دارت فيه بواط ودارت قهوى فالسطح “تشيلو” ومساحة خضراء ودروج كيوصل من الواجهة الرئيسية لللطابق الارضي الثاني اي سو سو صول وخروقات سبق ونشراتها “كود”.

وكانت السلطات عطاتها مهلة 20 يوم بعد تسلمها ل”امر بانهاء مخالفات في التعمير” فيونيو ومع ذلك دخلو لشي وحدين وعرقلو تطبيق القانون.

حسب مصادر “كود” لجنة الداخلية جمعات كلشي وعرفات باللي السلطات قدمات بها شكاية عند القضاء وباللي حاولات طبق القانون وكانت شي عراقيل.

دابا هادوك اللي حامينها طاحو او قريب يطيحو خاص القانون يطبق وخاصها تخلص عرقلة تطبيقو باش تكون عبرة لغيرها