الرئيسية > تبركيك > واش انتاحرات؟.. ممثلة تركية مشهورة طاحت من الكانزيام إيطاج وماتت فالبلاصة
23/06/2022 02:00 تبركيك

واش انتاحرات؟.. ممثلة تركية مشهورة طاحت من الكانزيام إيطاج وماتت فالبلاصة

واش انتاحرات؟.. ممثلة تركية مشهورة طاحت من الكانزيام إيطاج وماتت فالبلاصة

وكالات //

الممثلة التركية يونجا توركمان ماتت بعدما طاحت من البالكون ديال دارها فليطاج ال15 فمنطقة غازي عثمان باشا (Gaziosmanpaşa) فمدينة إسطنبول فتركيا.

البوليس والفرق الطبية جاو فالبلاصة وأكدو أنها ماتت مباشرة بعدما طاحت.

البوليس فالمنطقة ماعطاو حتى تفاصيل على الموت ديال يونجا، وماقالوش واش كانت بوحدها فالدار ولا كان معاها شي حد.

يونجا توركمان عندها 45 عام, ممثلة معروفة وشاركات فبزاف ديال المسلسلات من بينها “قطاع الطرق لن يحكموا العالم” و”كل شيء بخصوص الزواج” اللي كيحضاو بمتابعة كبيرة من عند المغاربة.

وكانت الممثلة معروفة بللي عايشة طرونكيل وماعندها حتى مشكل عليها كاينة شكوك، عبرو عليها عدد من المتابعين فالسوشل ميديا، بللي غالبا غيكون “موتها جريمة موراها شي واحد وماشي انتحار”.

موضوعات أخرى

26/06/2022 21:00

محمد سالم فانو: المؤتمر الجهوي ديال الأحرار فالعيون جا لعرض مجهودات الحكومة وخططها المستقبلية فالأقاليم الجنوبية -فيديو