الرئيسية > آش واقع > واش الوزير أمزازي فضل التبوريدة على الاجتماع مع اساتذة الكونترا. مشى عند صاحبو مبديع وكان لاصق فالتلفون
13/04/2019 22:24 آش واقع

واش الوزير أمزازي فضل التبوريدة على الاجتماع مع اساتذة الكونترا. مشى عند صاحبو مبديع وكان لاصق فالتلفون

واش الوزير أمزازي فضل التبوريدة على الاجتماع مع اساتذة الكونترا. مشى عند صاحبو مبديع وكان لاصق فالتلفون

كود – احمد الطيب ///

واش سعيد أمزازي وزير التربية الوطنية والتعليم العالي والتكوين المهني والبحث العلمي فضل التبوريدة عند صاحبو مبديع فالفقيه بنصالح على الاجتماع مع اساتذة الكونترا؟ اليوم باش كانت المفاوضات كان فالفقيه بنصالح. شي كيقول باللي مابغاش كلمتو تطيح وباللي كيتافق مع هاد الاساتذة وباش يمشيو تيشاورو يتراجعو على الاتفاق. وفق مصدر من لفقيه بنصالح ل”كود” فان امزازي ما حيدش ودنيه على التلفون “دوز كاع وقتو غير فالتلفون”.

المشكلة ان هاد الخرجة عند التبوريدة تخربيقة كبيرة. كيفاش يوم اجتماع بحال هادا يمشي للفروسية. هاد الشي راه تجاهل من الوزير أمزازي الاجتماع الذي عقد بمقر بوزارة السبت وجمع ممثلين عن التنسقية والنقابات التعليمية، واللي سالا بوقف هاد الأزمة ديال الاحتجاجات.

المهم النقابيين اللي كانو حاضرين كعاو بزاف. وبلاغ الوزارة الذي توصلت به “كود” كان فيه إشارة إلى حضور النقابات التعليمية فقط إلى رئيس اللجنة الجهوية للمجلس الوطني لحقوق الإنسان نيابة عن رئيسة المجلس، ورئيس المرصد الوطني لمنظومة التربية والتكوين.

الوزير لاح الكورة للكاتب العام ديال وزارة التربية الوطنية يوسف بلقاسي اللي هاز لحمل كولو ديال الوزارة هادي سنوات. والوزير ديما كيستشر معاه فاي حاجة.

موضوعات أخرى