الرئيسية > تبركيك > واش الناصيري ضحك على المغاربة واستغل اصابتو بكورونا باش يدير إشهار لمصحة خاصة؟ -تصاور
23/11/2020 18:00 تبركيك

واش الناصيري ضحك على المغاربة واستغل اصابتو بكورونا باش يدير إشهار لمصحة خاصة؟ -تصاور

واش الناصيري ضحك على المغاربة واستغل اصابتو بكورونا باش يدير إشهار لمصحة خاصة؟ -تصاور

نجوى المالحي-كود//

واش هادشي لي دار الناصيري هاد الأيام بسبب اصابتو بكورونا بصح ولا غير كيمثل الجزء الثاني ديال “البانضية” وهاد المرة بشكل حقيقي، وكيمثلها على الشعب المغربي.

سعيد الناصيري لي خرج بفيديو كيبكي فيه بسبب إصابتو بالڤيروس هو ومراتو وبنتو الحاملة، تلقى بزاف ديال الانتقادات من ناس كيقولو انه غير طالقها على الشعب، خصوصا بعدما حط نفس الفيديو على قناتو في يوتوب، كيشكر فيه المصحة الخاصة لي تهلات فيه وطلع بيه في الطوندونس.

 

الشكوك لي حامت على الناصيري جات بعدما تنشرت تصويرة لناس داخلين عندو للغرفة، وهو بلا كمامة، وواحد من الأشخاص لابس الكمامة بالشكل الخاطئ.

 

الناصيري زاد عورها فاش دار بوستر كبير كيشكر فيه المصحة الخاصة، وخلا الناس تزيد تشك أنه داير تمثيلية فقط، وكيقلب على استعطاف الناس باش يحقق الربح.

الفنان محمد الشوبي كتب على الموضوع، ونشر على حسابو في فيسبوك تدوينة جا فيها: “إذا تبث أن الخبر كاذب فمن العار أن تدعي أنك فنان الشعب وتفتعل الإصابة بالفيروس لتجعل من قناتك sponsorisé لفائدة مصحة خاصة لا حول ولاقوة الا بالله”.

موضوعات أخرى

19/01/2021 07:00

نور الدين مضيان لـ”كَود”: الجزائر بلاصة ما تديها فتنمية بلادها مقابلة دير خط بحري مع مليلية ولكن هادشي ماغاديش يزعزعنا