كود الرباط//

كشف مصدر رسمي ل”گود” بأن لي وقع البارح فسهرات مهرجان موازين عادي، خصوصا مكاينش اقبال على سهرات اليوم الاول، واكد بلي هادشي وقع فدورات سابقة.

الدورة 19 لموازين هاد العام عرف افتتاح ضعيف، مكانش اقبال للمجهور، لعدة اسباب، وفق المصدر الرسمي، منها الاسماء لي غنات البارح لي كلها كنتمي لجيل قديم، ماشي هاد الجينارسيون ديال الشباب. اضافة الى ان الاسر مسافرين فالعواشر وباقين فعطلة وكذلك ان السهرات للي كتعرف اقبال كبيرة هي السهرات لي فيها نجوم كبار سواء نجوم الشعبي او الراب او الراي او الموسيقى العالمية

امام بخصوص دعوات مقاطعة المهرجان للي كتروجها تيارات اسلامية، استبعد ذات المصدر يكون عندها تأثير على الحضور ف المنصات.