وكالات//

ردات المغنية الإماراتية أحلام على الشائعات لي كانت كتقول انها تفارقات مع راجلها مبارك الهاجري، ولي دارت بوم في السوشيال ميديا، بطريقتها الخاصة.

وبارطاجات أحلام بزاف ديال الفيديوهات في الكونطات ديالها في السوشيال ميديا، مع راجلها وهي كتسخر من الاخبار لي كتقول انهم قراب يتفارقو.

وبانت أحلام فواحد الفيديو وهي كتقول لراجلها: ” الدنيا كلها مكتسوا والو بلا بيك، يا نور الدنيا ديالي كلها”.

وكانت أحلام، دارت بوسط طويل كترد فيه على هاد الشائعات وهي كتقول: : الغالي عماد محبتي انا ومبارك مش فقط زوجين انا ومبارك أصدقاء بينا أشياء كثير حلوه يكفي فاهد وفاطمه ولولو هذيلا عيون وقلب وروح مبارك وانا طلبت منه ما ينزل اي شي بخصوص هالموضوع لكن هو رفض قال لي كل شي ولا انتي. هذي الكلمه تسوى عندي الدنيا ومافيها 🤍شكراً لك وعلى محبتك لنا اللي من القلب وشكراً لكل من يحبنا ويدعي لنا بالفرح والسعاده والخير