كوج الرباط//
عبد اللطيف وهبي، وزير العدل، لبارح فمناقشة الميزانية الفرعية فلجنة العدل والتشريع بمجلس النواب، هز الرايا البيضاء قدام المحامين، خصوصا فيما يتعلق بمشروع قانون المسطرة المدنية.
وهبي لي بان البارح بلي مبقا عندو حل قدام إضراب المحامين وشلل المحاكم، وبقا كيهضر على أخلاق المحامين وكيفاش كيسبوه شخصيا، ويرفعو شعارات معينة وميقدوش عليها، بحال محامي فكازا قال بلي الدولة كتواجهم.
واستغرب وهبي، من محاولة المحامين فرض طريقة الحوار بشروط، مؤكدا بأن مكتبه سيظل مفتوحا للحوار.
وقال وهبي :”واش بغاوني نبطح على كرشي.. أنا مسديتش باب الحوار، والمفاوضات هي تاخد الممكن وتنازل عن غير الممكن”.
