كود عن الاعلام الصبليوني//

قال متدخلون فبرنامج على القناة “الاولى” الصبليونية ان من الفرضيات على طعن منير نصراوي والد لعاب البارصا لامين جمال٬ هو اختيار للعاب المنتخب الصبليوني عوض المنتخب المغربي. الصحافي اللي قال هاد لكلام فالقناة ما قدمش معطيات ولكن حاول يسوق باللي من المعتقلين فهاد القضية اللي وصلو 4 اشخاص يقدر يكون من اصول مغربية او مغربي.

وكشف الاعلام الصبليوني باللي تشد واحد اخر هاد الصباح فهاد القضية وباللي واحد من هادو اللي طعن بموس منير ب3 طعنات فلابدومين والطوراكس البارح فالليل باش كان كيدور مع كلبو فحي بكاتالونيا

وبدات الهدرة على تأثير ذلك على مستقبل اللعاب اللي هدر مع باه وما زاروش فالصبيطار. هاد الصباح ترينا جمال لامين بشكل عادي