الرئيسية > آش واقع > واش القضية صعيبة مع تسونامي الإصابات بكورونا فبلادنا؟.. مصدر مسؤول لـ”كود”: هاد الموجة اقل من موجة اومكيرون اللولة والجرعة الرابعة غادي تحمي هاد الفئات
03/07/2022 10:30 آش واقع

واش القضية صعيبة مع تسونامي الإصابات بكورونا فبلادنا؟.. مصدر مسؤول لـ”كود”: هاد الموجة اقل من موجة اومكيرون اللولة والجرعة الرابعة غادي تحمي هاد الفئات

واش القضية صعيبة مع تسونامي الإصابات بكورونا فبلادنا؟.. مصدر مسؤول لـ”كود”: هاد الموجة اقل من موجة اومكيرون اللولة والجرعة الرابعة غادي تحمي هاد الفئات

كود الرباط//

البلاد كتعيش موجة ديال كورونا خلال الأسابيع الأخيرة، بحيث عرفت الحالات الحرجة ارتفاعات يقدر حسب مصدر لـ”كود” بـ30 حالة فاليوم كعمدل يومي.

وأكد المصدر نفسه لـ”كود” أن المؤشر البارز بخصوص تدهور الحالة الوبائية هو عدد الوفيات، موضحا أن الحالة في المغرب أفضل حاليا من الموجة السابقة (اوميكرون).

وطمأن ذات الخبير في الصحة لـ”كود” بالقول :”الضراوة ديال المرض اقل من المرحلة السابقة”، مشيرا بلي الوفيات لي تسجلو مؤخرا مداروش الفاكسان نهائيا أو عندهم حالات مرضية وهشاشة صحيحة ومداروش الجرعة المعززة (الثالثة).

وضمن الحالات اللي توفات، حسب ذات المصدر، دارو الجرعة الثالثة ولكن فات عليها 6 اشهر، وهاد الحالات فايتين 60 عام وعندهم هشاشة صحية، وهادو قلال بزاف.

وشدد ذات المصدر بلي هادشي علاش الوزارة قررات تعتمد الجرعة الرابعة بالنسبة للفئات لي عندهم فوق 60 سنة وللي عندهم هشاشة صحية فوق 18 عام، وذلك بعد 6 اشهر من الجرعة الثالثة، مشيرا بلي حتى اللي معندوش هشاشة يلا بغا يديرها مكاين تا مشكل.

موضوعات أخرى