كود الرباط//
واش القصر كاعي على عبد اللطيف وهبي، وزير العدل، بسباب نتائج امتحان المحاماة لي دارت جدل كبير؟. واش اتصلو به ووبخوه؟ .
مقرب من وهبي نفى لـ”كود” يكون شي حد اتصل به من الفوق باش يوبخو، وأكد بأنه غادي فنفس الطريق ديالو باش ينزل مشروع القانون الجنائي لي فيه انتصار كبير للحريات الفردية وللمرأة، وجاب عقوبات شديدة لي كديريو لايفات ويبقاو يشهرو بالناس والسب والقذف، ويبقاو ينشرو أي حاجة باسم الصحافة واخا معندهمش بطاقة الصحافة.
ذات المصدر قال بأن وهبي البارح كان مقلق فاش خرجو عليه خبار الإعفاء من منصب الوزير فعدد من الصفحات الفايسبوكية، مضيفا بأن “قيادة البام تاصلت به ودعماتو”.
