الرئيسية > آش واقع > واش العفو الملكي فعلا غايشمل معتقلي الريف وبوعشرين والمهداوي.. محامو المعتقلين جاوبو “كود”
05/04/2020 13:30 آش واقع

واش العفو الملكي فعلا غايشمل معتقلي الريف وبوعشرين والمهداوي.. محامو المعتقلين جاوبو “كود”

واش العفو الملكي فعلا غايشمل معتقلي الريف وبوعشرين والمهداوي.. محامو المعتقلين جاوبو “كود”

عفراء علوي محمدي- كود//

المحامين ديال معتقلي حراك الريف وبوعشرين والمهداوي ما عندهم حتى شي خبار على العفو الملكي واش غادي يشمل الموكلين ديالهم ولا لا، “كود” عملات على الاتصال بمجموعة منهم، وكلهم ماعندهم لحد الساعة حتى شي معطى بشأن هذ القضية.

أسماء الوديع، عضوة دفاع المعتقلين فملف الريف، قالت فتصريحها ل”كود” بللي هي سمعات أن بعض معتقلي الحراك غيتم العفو عليهم، لكن ما عرفاتش واش هذشي بصح ولا لا، ولحد الساعة ماعندها حتى شي معطى.

وزادت الوديع كتقول بللي كان عندها اتصال بالمعتقل كريم أمغار، تكلم ليها على الوضع ديال المعتقلين فالسجن، وكيفاش هوما سادين عليهم، وكيطلبو من المغاربة البقاء فالبيت باش، لكن هوما مافراسهم حتى شي حاجة بشأن العفو.

محمد أغناج، محامي معتقلي الريف، كذلك ماعندو حتى شي خبار فالموضوع، وكيشوف بللي من المستبعد يشمل المعتقلين دالحسيمة.

أما بخصوص العفو على الصحافي حميد المهداوي، الدفاع ديالو محمد الهيني قال بللي مازال كيقلبو على معطيات بخصوص واش ورد الإسم ديال المهداوي فلائحة العفو الملكي ولا لا، ولحد الساعة ماعندو خبار.

أشرف جدوي من دفاع الصحافي توفيق بوعشين كذلك ماوصلو حتى شي معطى بشأن الإفراج على الموكل ديالو فهذ الفترة.

وكانت توقعات بشأن الإفراج على المعتقلي الريف والمهداوي وبوعشرين فهذ العفو الملكي، ولحد الساعة مزال ماخرجات لاليسط ديال الناس اللي شملهم هذ العفو.

لكن من خلال البلاغ ديال وزارة العدل اللي تكلم على العفو، واللي صدر اليوم، فهذ العفو كينبني على “معايير إنسانية وموضوعية مضبوطة”، واللي هي يكون سن المعتقلين كبير، والوضعية ديالهم الصحية هشة، ومشهود ليهم بحسن السلوك السلوك والانضباط، ودوزو فترة طويلة فالحبس.

وكانت منظمات دولية طلبات بإطلاق سراح المعتقلين اللي مكايشكلوش خطر كبير على المجتمع، ومن ضمنهم المعتقلين السياسيين ومعتقلي الرأي.

موضوعات أخرى

03/06/2020 21:00

تحطات ضدها شكاية بتهمة ازدراء الدين ..بوشكيوة فحوار مع “كود”: أنا ماخايفاش حيت من حقي مناقشة الدين .. وخاص تجفيف منابع التطرف من خلال برامج تعليمية متنورة

03/06/2020 20:00

بيان “الاتحاد” على “ضريبة على الثورة”. راني ماواكلش الشمع ولا النُّخالة آ بوعزة!!! گولو لينا فيمن عينيكم