كود كازا ///
توصل كليان من الشركة العامة للأبناك والبنك الشعبي برسالة هاد النهار فيها باللي “كاينة محاولات نصب هاد ليام” وطلبات منهم “عدم مشاركة معطيات حساسة بالإيميل او بالتلفون مع اي واحد” وعطاوهم رقم يتاصلو بيه وطلبو منهم يحميو معطياتهم.
شكون يحاسب هاد الابناك اليوم. حسب ما نشراتو كود من شهادات هادي كل من سيمانا، كانت محاولات سرقة لفلوس من حسابات كليان فالشركة العامة. باش مشاو للوكالة للي فالرباط قال ليهم شي متخلف ما كاين والو، من بعد خيرهم شي حد آخر خدام تماك باللي كاين حالات اخرى وبالفعل تشفرو ليهم فلوسهم گاع. فاللول لصقوها فشركات بحال “السكك الحديدية” و”گلوڤو” وشي لعيبات ديال الاداء بالبطاقة.
لكن علاش سكتو كل هاد المدة وشكون يحاسبهم مادام اللي مكلف بحماية المعطيات الخاصة السي السرغوشني ما كيهموش هاد الموضوع ومادام بنك المغرب ضرب الطم.
