كود سبور//

مهدد الدولي المغربي نايف أگرد حتى هو بالغياب على كاس افريقيا “المغرب2025″، بسبب إصابة كايعاني منها، خالاتو ما يكملش ماتش الفريق ديالو أولمبيك مارسيليا ضد بريست اليوم السبت ضمن منافسات بطولة فرنسا.

وبعدما سالا الماتش بين أولمبيك مارسيليا وبريست، قال مدرب الطالياني روبيرتو دي زيربي مدرب مارسيليا، بلي نايف أگرد عندو إصابة فـ منطقة العانة، وان الحال تزاد عليه ويقدر ما يلعبش كاس افريقيا وانه خاصو يرتاح باش يشارك فلا كوب دافريك.

وكان الناخب الوطني وليد الركراكي عيط على نايف اكرد للمنتخب الوطني المغربي استعداداً لمواجهة كل من موزمبيق وأوگندا وديا، ودابا بعدما توعت راه مطالب باش يعطي الفرصة للاعب آخر بحال الشاب إسماعيل باعوف المتوج بكاس العالم لأقل من 20 عام مع المنتخب المغربي للشباب.