كود كازا//

محدها تقاقي وهي تزيد فالبيض. هذا هو وضع حزب التقدم و الاشتراكية اليوم قبل المؤتمر الوطني 11 ديالو. البارح القضاء حكم لفائدة تيار سنواصل الطريق بإلغاء إجراءات الطرد وعودة كل المطرودين مع تحميل المدعى عليه وهو نبيل بنعبدالله.

القرار اللي صدر على المحكمة بشكل نهائي اعتبر طرد اعضاء تيار سنواصل الطريق غير قانوني وموجب للالغاء، حيث الاساس القانوني لهذا القرار منعدم.

التبعات ديال هاذ القرار هي رجوع كافة الاعضاء اللي رفعوا دعوى الالغاء ضد قرارات لجنة التحكيم السياسي اللي طردات اعضاء في المكتب السياسي وفي مقدمتهم انس الدكالي وزير الصحة السابق اللي كيتعتبر دابا أكبر خصم لنبيل بنعبدالله، و المرشح غير المعلن لخلافته.

الطرد شمل حتى عزالدين العمارتي الناطق الرسمي باسم التيار وعضو المكتب السياسي، إضافة لفاطمة السباعي عضوة ديال المكتب السياسي ونائبة رئيس جهة الرباط سلا القنيطرة و عدد من اعضاء اللجنة المركزية وعضوات اعضاء ب7 أقاليم.

هاذ القرار كيفتح الباب لعودة انس الدكالي للحزب و القانون كيعطيه الحق في الترشح للأمانة العامة، وهاذ القرار لوحده يمثل كابوس لنبيل و انصاره اللي انهوا بنسبة كبيرة كاع ترتيبات المؤتمر الحادي قبل ميصدر هاذ فهاذ التوقيت اللي من شأنو إعادة كاع الحسابات. هاذ السيناريو لم يكن متوقعا و ان كان البعض يعتبر آخر الرسائل لنبيل باش يفهم راسو ويغادر من الباب الكبير.