الرئيسية > آش واقع > واش الحكومة قادرة تنفذ التعليمات الملكية للنهوض بالاقتصاد الوطني.. شقير لـ”كود”: خاصنا كفاءات نستقطبوها من الخارج.. حيت الحكومة الحالية والأحزاب السياسية لا تتوفر علياها
30/07/2020 10:30 آش واقع

واش الحكومة قادرة تنفذ التعليمات الملكية للنهوض بالاقتصاد الوطني.. شقير لـ”كود”: خاصنا كفاءات نستقطبوها من الخارج.. حيت الحكومة الحالية والأحزاب السياسية لا تتوفر علياها

واش الحكومة قادرة تنفذ التعليمات الملكية للنهوض بالاقتصاد الوطني.. شقير لـ”كود”: خاصنا كفاءات نستقطبوها من الخارج.. حيت الحكومة الحالية والأحزاب السياسية لا تتوفر علياها

عفراء علوي محمدي- كود//

الملك محمد السادس فخطاب عيد العرش تكلم على مجموعة من الإصلاحات للنهوض الاقتصاد الوطني بعد ازمة كورونا، تحدث عليها المحلل السياسي محمد شقير، فحديثو مع “كود”، وأهمها : إحداث صندوق الاستثماء للنهوض بالقطاع العام أو الخاص والنقاولات الصغرى والمتوسطة، وضخ 120 مليار درهم فدواليب الاقتصاد المغربي لإعادة النظر فالميزانية اللي تم من خلالها إقرار قانون المالية المعدل، وخلق وكالة لمساهمة الدولة للاستثمارات، بالإضافة لضرورة اتخاذ مجموعة من الإصلاحات فالشق الاجتماعي، كإصلاح منظومة التغطي الاجتماعية والتقاعد وضمان التعويضات لجميع الفئات الاجتماعية وتفعيل السجل الاجتماعي

وقال شقير لـ”كود” أن جملة من هذ الإصلاحات الجدرية مايمكنش تتأتى إلا فظل حكومة مكونة من الكفاءات “وواخا تسمات الحكومة الحالية بحكومة الكفاءات إلى أنها أبانت عن ضعفها وقصر حيلتها، خصوص فهذ الازمة ديال فيروس كورونا المستجد، وأي إصلاح كيخصو طاقم بشري واطر كفأة، ولابد من اجتذاب هذ الكفاءات”، حسب تعبيرو.

وسواء فهذ الحكومة، أو فحكومة مابعد انتخابات 2021، صعيب التوفر على الكفاءات، واكد  شقير لـ”كود”: “كيخص اجتذابها بعيدا عن أي منطق سياسوي، بحال الكفاءات المغربية اللي بينات على الحنكة ديالها فالخارج، وتمكينهم من فتح قنوات انتخابية لاستقطابهم، اما إلى عولنا على الأحزاب السياسية فهي لا تتوفر على أطر قادرة على تسيير مجموعة من المسائل، ومكتتوفرش على الحكامة اللي تكلم عليها الملك محمد السادس فخطابو، ومعرفتش واش عندنا الوقت الكافي لهذ الأمور أو لا”.

من جهة ثانية، وفحديثو عن أبعاد الخطاب الملكي مع “كود”، كيعتبر شقير أن الهدف الاساسي من التعليمات اللي كيتضمنها هو إيجاد الحل لمواجهة ازمة فيروس كورونا المستجد، وبالتالي التصدي لموجة ثانية من الفيروس، كيشوف الملك على أنها جاية فالطريق

موضوعات أخرى

03/08/2020 19:00

بنادم كان كيسرق بسباب الجوع والفقر شحال هادي.. دابا البراهش كيسرقو وهوما راكبين على إس آش بربعة دالمليون وكيسرقو على ود الطاسة والبنات والحلويات والحفلات واللباس والماطر والحياة ديال الفيديوكليبات

03/08/2020 17:30

هادشي كيخلع. المغرب حطم للمرة الثالثة متابعة الروكور فعدد الوفيات اليومية بكورونا.. 19 ماتو اليومر و659 تصابو و533 تشافاو.. الطوطال: 401 ماتو و26196 تصابو و18968 تشافاو