كود – IFLScience //

دراسة علمية جديدة منشورة فـ Journal of Studies on Alcohol and Drugs منشورة غموقع IFLScience، لقات نتائج مزيانة بخصوص الزطلة، الباحثين اكتشفو بلي الناس لي استعملو الحشيش بالقياس فشي وقيتة من حياتهم كان عندهم تيساع كبير فبعض مناطق الدماغ ملي وصلو لنص العمر.

الدراسة شملات كثر من 25 ألف شخص بين 40 و77 عام، وبيّنت أن الاستعمال بالعقل مرتبط بزيادة فالتيساع ديال بلايص مهمة فالدماغ بحال المنطقة المسؤولة على الذاكرة، ومناطق أخرى عندها علاقة بالتعلام والتحكم فالحركة والعاطفة، هاد المؤشرات كتبيّن بلي الدماغ ممكن يستافد بطرق ما كانتش متوقعة.

وماشي غير القياس ديال الدماغ، حتى النيفو المعرفي كان حسن عند الناس لي كماو الحشيش بالعبار وبان عليهم الريفليكس دغيا حتى التعلام بالخف، ولي كيدير العجب هو أن هاد التأثير الإيجابي بقى باين حتى عند أشخاص لي ما استعملوش الحشيش سنين طويلة.

الباحثين كيعتاقدو أن الحكومة كاينة فمستقبلات خاصة فالدماغ كتتفاعل مع مكونات الحشيش، خصوصاً فمناطق معروفة أنها كتتأثر مع الكبر، وهاد الشي كيخلّي بعض العلماء يفكرو فإمكانية دور الحشيش الوقائي ضد الزهايمر المعرفي المرتبط بالشيخوخة.

وخا أن الأبحاث مازال مستمرة، النتائج الحالية كتعطي صورة أكثر توازن على الحشيش، وكتفتح باب جديد للنقاش العلمي على فوائدو المحتملة فمرحلة متقدمة من الحياة، خصوصا إلا كان الاستعمال معتدل وبالقياس.

https://www.iflscience.com/smoking-cannabis-linked-to-larger-brain-volume-and-better-cognitive-function-later-in-life-82516