كود – 7sur7 //

بيانات دراسة جديدة فمجال علم النفس كتبين أن الحب ماشي دايمن غير كسيدة عاطفية، ولكن كيتأسس على معطيات موضوعية، الباحثين أكدو أن نسبة كبيرة من الناس كينجذبو للأشخاص اللي كيشبهوهم فالميولات والاهتمامات وهاد الظاهرة كيسميوها “الانجذاب المتشابه”. هاد التشابه كيرفع من احتمال باش  تبدا العلاقة، وكيخلق انسجام أولي كيسهل التواصل ويسرعو.

فدراسة تطبيقية دارت عام 2023 على 192 مشارك كانت عندهم علاقة “مصاحبة وجنسFWB ” — ، تابعوهم الباحثين عام كامل، الأرقام بينات أن 15% منهم قدرو يتحولو لعلاقة جدية وطويلة، و26% بقاو فنفس النوع من العلاقة بلا تطور، و28% رجعو غير صحاب، و31% سالات العلاقة ديالهم بشكل نهائي، هاد النتائج كتعني أن أقل من جوج فعشرة كينجحو فبناء علاقة مستقرة من هاد النوع.

الدراسة وضحات أن سر الـ15% اللي نجحو هو التواصل، المشاركين اللي ناقشو التوقعات ديالهم ورؤيتهم للعلاقة قبل ما تبدا الأمور الجنسية كانت عندهم فرص أكبر باش يطوروها، فالمقابل اللي خلاو الأمور تمشي بشكل طبيعي بلا نقاش كانت النتائج عندهم ناقصة .

كما شارت المعطيات أن الانجذاب الأول كيوقع بشكل تلقائي، ولكن تطور العلاقة كيبقى مرتبط بالقرارات اللي كياخذها الشخص من بعد ،بحال تجنب مواقف معينة أو الاستمرار فيها, يعني الحب ماشي خارج السيطرة بشكل كامل.

حتى توقيت العلاقة فالحياة كيلعب دور مهم بين الطرفين ،وبناءً على هاد المعطيات كيبان أن الحب ممكن يبدا بشكل تلقائي، ولكن استمرارو كيبقى مرتبط بعوامل واعية ومدروسة.