احمد الطيب – كود الرباط//
كثرو التوقعات، وهذا طاير وهذا باقي، وكاين كاع لي كيعطي الفتوى ويهضر خارج الدستور ويحدد شكون لي خاص يبقا وشكون لي خصو يمشي. ولكن لي كاين ومؤسس دستوريا هو أن القضية ديال التعديل كيحسمها الملك بصفته رئيس الدولة مع رئيس الحكومة.
الدستور كيقول :”للملك، بمبادرة منه، بعد استشارة رئيس الحكومة، أن يعفي عضوا أو أكثر من أعضاء الحكومة من مهامهم. ولرئيس الحكومة أن يطلب من الملك إعفاء عضو أو أكثر، من أعضاء الحكومة. لرئيس الحكومة أن يطلب من الملك إعفاء عضو أو أكثر، من أعضاء الحكومة، بناء على استقالتهم، الفردية أو الجماعية”. وبالنسبة للتعيين ديال الوزراء كذلك كاين مسطرة وهي ان رئيس الحكومة يقترح والملك كيعين.
فهاد التوقعات طبعا، رجعات الهضرة مرة أخرى بلي كاينا امكانية يكون تعديل حكومي مرتقب اليوم
وقالت مصادر “كود” بأن التعديل سيشمل 6 حقائب وزارية مع إضافة 4 كتاب دولة. وطبعا أول حقيبة غادي تبدل هي حقيبة وزارة التربية الوطنية والتعليم الأولي والرياضة لي كان فيها شكيب بنموسى لي تعين على رأس المندوبية السامية للتخطيط.
وباقي الأسماء لي كتروج انها غادي طير، بالنسبة للأحرار كاين وزير الفلاحة محمد الصديقي الوزير المنتدب المكلف بالاستثمار محسن جزولي وشكيب بنموسى وزير التربية الوطنية، وفي الاستقلال محمد بنعبد وزير النقل واللوجستيك (الاستقلال)، رياض مزور وزير الصناعة وعواطف حيار وزيرة الاسرة، وبالنسبة للبام: كاين وزير التعليم العليم عبد اللطيف ميراوي، وغيثة مزور وزيرة الانتقال الرقمي، بالنسبة للوزراء المستقلين لي مرشحين للمغادرة كاين وزير الصحة خالد ايت الطالب.
