الرئيسية > تبركيك > واش التزلاوي يد الماجيدي اليمنى ولى مع التراكتور بلا خبار سيدو؟. تلاقى مع وهبي قبل الحملة
30/08/2021 11:00 تبركيك

واش التزلاوي يد الماجيدي اليمنى ولى مع التراكتور بلا خبار سيدو؟. تلاقى مع وهبي قبل الحملة

واش التزلاوي يد الماجيدي اليمنى ولى مع التراكتور بلا خبار سيدو؟. تلاقى مع وهبي قبل الحملة

كود كازا ///

علمت “كود” ان عبد المجيد التزلاوي الرئيس المدير العام ل”اونابار اميرتيس” والرئيس المدير العام للشركة المغربية الاماراتية للتنمية “صوميد” واليد اليمنى لمنير الماجيدي٬ تلاقى الامين العام لحزب الاصالة والمعاصرة عبد اللطيف وهبي فمناستين قبل انطلاق الحملة الانتخابية.

الاولى كانت شي مناسبة عائلية وطلب منو وهبي يتلاقاه خارج هاد الاطار وتلاقاه.

هاذ التزلاوي اللي من نفس منطقة زعيم البام دخل راسو فامور السياسة وبلا خبار ولي نعمتو وسيدو منير الماجيدي الباطرون ديال “المدى”.

التزلاوي يمكن باغي يدير السياسة. السيد اللي قال فحوار مرة مع “جون افريك” باللي هو الامر الناهي فمجموعة سيدنا٬ عزيز عليه يتبنضض ويتحكم فكلشي.

لقاء مع زعيم حزب قبل الانتخابات بلا ما تكون فخبار الباطرون ديالو فشي شكل. اذن غادي يكون يوجد لشي حاجة هاد اللي كيخلع بزافت رجال الاعمال فالمغرب وكيقول ليهم يقولو ليه “الحاج”.

موضوعات أخرى

19/09/2021 22:00

الفراقي المغربية تعرفات على خصومها فالمنافسة الإفريقية.. الوداد والرجاء ضد هاد الفريقين.. والجيش وبركان ف مواجهة مغاربية خالصة