الرئيسية > آش واقع > واش البام مرفوض بجهة كلميم.. أنصار بلفقيه دارو احتجاج على وهبي فتدشين محكمة الاستئناف ومنتخبي التراكتور قاطعو النشاط
03/10/2022 15:30 آش واقع

واش البام مرفوض بجهة كلميم.. أنصار بلفقيه دارو احتجاج على وهبي فتدشين محكمة الاستئناف ومنتخبي التراكتور قاطعو النشاط

واش البام مرفوض بجهة كلميم.. أنصار بلفقيه دارو احتجاج على وهبي فتدشين محكمة الاستئناف ومنتخبي التراكتور قاطعو النشاط

كود كلميم//

أنصار الراحل عبد الوهاب بلفقيه، دارو هاد الصباح احتجاج رمزي ضد امين عام حزب الاصالة والمعاصرة، لي جا باش يدشن المقر الجديد لمحكمة الاستئناف بمدينة كلميم بصفتو وزير العدل.

وحسب مصادر محلية، فإن انصار بلفقيه وجدو لافتات للاحتجاج ضد تواجد وهبي في مدينة كلميم، مكتوب عليها الرسالة الشهيرة لي كتب بلفقيه قبل وفاته، فاش اتهم جهات لم يسميه بـ”الغدر” فقضية سحب وهبي التزكية منو قبل ساعات من انتخاب مجلس جهة كلميم.

وبانت كذلك كتابات على جدران بمدينة كلميم تزامناا مع زيارة وهبي لهاد المدينة، بحيث  تكتبات على الجدران عبارات من قبِيل “وهبي الغدار.. لا مرحبا بك ولا سهلا”.

وقاطع عدد من منتخبي البام بالجهة مراسيم التدشين ديال المحكمة بسباب حضور وهبي.

صداع كبير بزاف داخل البام فهاد الجهة، انصار بلفقيه باقي كيقاطعو وهبي وانشطة ديالو، لدرجة ان البام فهاد الجهة كيعيش بلوكاج تنظيمي وسياسي، منذ حادثة وفاة بلفقيه، أحد اعيان منطقة ايت بعمران.

موضوعات أخرى

08/12/2022 21:36

قصبة مولاي الحسن بفاس.. دور صفيحية وبنايات مهددة بالانهيار ومسؤول من وزارة الثقافة لـ”كود”: تدخلنا تقني والموقع تابع لإدارة الدفاع