وكالات//
بدات الشائعات ديال الطلاق كتشعل عاوتاني بحال العافية بخصوص الأمير هاري ومراتو ميغان ماركل.
وكيجي هادشي بسبب السفريات المتفرقة ديالهم، ولي مموالفاش ليهم، حينت بانو مفارقين في لندن ونيويورك وجنوب أفريقيا.
ولي زاد من هاد الشائعات هو الزيارة ديال ميغان لواحد التظاهرة نسائية وبانت بلا خاتم ديال الخطوبة ديالها، واخا قالت سابقا أن هي وراجلها بحال “الملحة والفلفلة” يعني أنهم مكيتفارقوش.
ولكن واحد المصدر مقرب منهم بزاف قال لمجلة “بيبل” إن هاد الشائعات ماعندها حتى علاقة مع الحقيقة.
وقال إنهم بانو مفارقين حينت كيفرقو ليطاش ديال الدراري الصغار بيناتهم، وملي كيخرج شي واحد لشي مهمة واحد فيهم كيجلس مع الأولاد.
