گود سبور//

كشفت جريدة El ESPANOL الإسبانية ان المشكل اللي واقع ما بين الاتحاد الدولي لكرة القدم والاتحاد الأوروبي للعبة بخصوص تحويل كاس العالم إلى شركة، كايهدد مونديال 2030، ودارت عنوان قالت فيه: “غادي تتخلى إسبانيا والبرتغال عن استضافة كاس العالم 2030، إلى ما تراجعش إنفانتينو على خطة خصخصة شركة المونديال”.

ووضحت الجريدة الإسبانية ان الأزمة ما بين الاتحاد الدولي لكرة القدم والاتحاد الأوروبي بالمعارض له بخصوص تحويل كأس العالم لشركة وبيعها للمستثمرين، كايهدد مونديال 2030 اللي غادي ينظمو المغرب بشراكة مع إسبانيا والبرتغال، حيث اسبانيا والبرتغال منتمين للاتحاد الأوروبي، بالتالي إلى الآخير قرر مقاطعة المسابقة راه غادي يقاطعها حتى هما بجوج.

وقالت ايضا ان عدد من الاتحادات عبر العالم معارضة مشروع الفيفا الجديد، وهذا الشي كايعني غياب ومقاطعة عدد من المنتخبات الكبيرة للمونديال، فالوقت اللي المغرب محسوب على الاتحاد الافريقي لكرة القدم، والكاف مازال الموقف ديالو گاعما واضح فهاد الموضوع.

حتى لدابا مازال ما كاين والو هذا الشي اللي نشراتو الجريدة الإسباني، والمقال ديالها هو مجرد تخمين وتحليل على شنو ممكن يوقع فالمستقبل إلى خدا مشروع انفانتينو رئيس الفيفا الأغلبية من أصوات 211 اتحاد وطني عبر العالم.