الرئيسية > كود-تيفي > واش ارهاب؟ واحد دخل فمارشي نويل فامريكا بكاط كاط.. وقتل وجرح شلى مواطنين فيهم اطفال – تصاور وفيديو
22/11/2021 08:00 كود-تيفي

واش ارهاب؟ واحد دخل فمارشي نويل فامريكا بكاط كاط.. وقتل وجرح شلى مواطنين فيهم اطفال – تصاور وفيديو

واش ارهاب؟ واحد دخل فمارشي نويل فامريكا بكاط كاط.. وقتل وجرح شلى مواطنين فيهم اطفال – تصاور وفيديو

نيويورك عن سي ان ان ////

تقتل وتصاب شلى بنادم فكسيدة فامريكا. لكسيدة دارتها كاط كاط دخلات فمارشي نويل فمدينة واكيشا فولاية ويسكونسون. بوليس هاد الولاية قال باللي لحد الان تجرح 40 شخص منهم اطفال كلهم داوهم للصبيطار، و5 ماتو.

البوليس قال باللي تطلق القرطاس من قبل بوليسي باش يوقفو الطونوبيلة، وشدو شي واحد مشكوك فيه وكيديرو المعاينة للطونوبيلة اللي دارت هاد المأساة.

دابا التحقيقات كتخدم حتى فرضية العمل الارهابي.

هاد الحادث وقع بعد سيمانة عرفات توتر فالولاية مع تبرئة المريكاني كايل ريتنهاوس من تهمة قتل جوج رجال العام اللي فات خلال أعمال شغب وتظاهرات احتجاج على عنف البوليس فكينوشا على بعد تقريبا 80 كيلومتر من واكيشا.

موضوعات أخرى

30/11/2021 23:00

ودبا حتى ألمانيا ماشي ديموقراطية؟.. المستشار الألماني الجديد: البرلمان غادي يصوت على إجبارية التلقيح ضد كورونا قبل راس العام