كود الرباط//

عقد رؤساء وممثلو الهيئات والروابط الهندسية ديال أحزاب الأغلبية (التجمع الوطني للأحرار، الأصالة والمعاصرة، وحزب الاستقلال) اجتماع البارح الاثنين 10 فبراير 2025 فمقر الأحرار فالرباط.

بيان الاجتماع جا فيه بلي هضرو على وضعية الهندسة الوطنية، والتحديات اللي كيعاني منها القطاع، وشنو يمكن يديرو باش يطوروه فظل التحولات اللي كيعرفها المغرب، خصوصا فمجالات البنية التحتية، وأزمة الماء، والتحول الطاقي، والسيادة الغذائية، والرقمنة.

المهندسون ديال الأغلبية كيشوفو بلي عندهم دور محوري فهاد  الأوراش الكبيرة، من الدراسات حتى الإنجاز والمراقبة والتقييم.

واتفقت هيئات المهندسين ديال الأغلبية مواصلة الحوار والتنسيق باش يطورو الممارسة الهندسية، ويحسنو الأوضاع ديال المهندسين، سواء فالإدارة العمومية أو القطاع الخاص.

واتفقوا كذلك على إحداث جهاز تنسيقي، الهدف ديالو يكون حلقة وصل بين جميع التنظيمات الهندسية الوطنية، ويدعم وحدة الصف ديال المهندسين المغاربة.

واش هاد التنسيق عندو علاقة بمشاريع المونديال ولا إشارة على استمرار التحالف بين أحزب البام والأحرار والاستقلال حتى لـ2030؟.