كريم الشركي-كود//

ارانتشا غونزاليس وزيرة الخارجية الصبليونية، كتقلب كي الزمان غا بوحدها.

وزيرة الخارجية ووبعا للتقرير الشهري ديال وزارة الصحة الاسبانية، لي حيد لمغاربة من لائحة الممنوعين من دخول الاراضي الاسبانية بدون تحليل بي سي ار، نشرات هاد الخبر وقالت أن المغاربة من حقهوم يدخلو بلا “بي سي ار”.

ولكن الوزيرة رجعات ومسحات هاد التدويتة، ودارت تدوينة اخرى وعتابرات الاخبار التي تروج عن سماح الحكومة الاسبانية للمغاربة بدخول الاراضي الاسبانية، بلا تحليلة مجرد اخبار زائفة، هادشي رغم أن وزارة الصحة دارت تقريرها الشهري وماعلناتش فيه أن المغاربة مطلوب منهم يديرو التحليلة، وهو التقرير الذي تحوز كود نسخة منه.

الوزيرة الاسبانية قالت ان الاتحاد الاوروبي هو لي ماسامحش للمغاربة يدخلو الاراضي الاوروبية بدون تحليلة، وذلك في محاولة غير مفهومة كيفاش الصبليون يسمحو للمغاربة يدخلو بلا تحليلة والاتحاد الاوروبي يرفض، واش كاينة عندهوم معايير صحية مختالفة، او ممكن أنه كاينة فعلا ازمة صامتة بين البلدين، خصوضا مع غياب سفيرة المغرب عن مدريد، وفوق هادشي حادث اقتحام الافارقة لي وقع لسياج مليلية قبل ايام، وعتابرو حزب بوكس ابتزاز مغربي جديد لاسبانيا.